İnquşetiyada polislərə hücum edildi

İnquşetiyada bir qrup silahlı şəxs Maqas şəhərinin girişindəki polis postuna hücum edib.

İnquşetiyada polislərə hücum edildi
https://peyk.az

Bu barədə “112” teleqram kanalı məlumat yayıb.

“Dekabrın 31-də axşam saatlarında naməlum şəxslər avtomobillə postdan keçərkən hüquq-mühafizə orqanlarının əməkdaşlarına odlu silahdan atəş açıblar”, - deyə məlumatda bildirilir.

Hücum nəticəsində üç polis yaralanıb. Onlardan biri - baş leytenant Zalemxan Kokorxoyev ölüb, digərləri reanimasiyadadır.

Hücum edənlər də polisin açdığı atəş nəticəsində yaralanıb. Onlar da xəstəxanadadır.

“İnquşetiya paytaxtının meriyası baş verənlərdən sonra şəhərdəki şənlikləri ləğv etmək qərarına gəlib”, - deyə kanal vurğulayır.